第十五章
五月事体多
提起五月份，仔细想想有交关个事体好讲，从纪念个节日讲，有五一国际劳动节，对上海来讲，五一劳动节又是毛主席拉一九六一年到上海电机厂脱上海工人阶级共庆节日有意义个日脚，阿拉车间个朱恒老师傅还拉搿天上台发言呢。一九七一年电机厂庆祝“毛主席来厂十周年”前，当时我作为厂里个工人记者向伊作过采访。
还有五四青年节，勿但是青年个节日，也是中国近代史个开始。五月二十三日么是毛主席拉“延安文艺座谈会上个讲话”个日脚，以前文艺界侪是依搿种讲话精神来开展工作个，贯彻两个基本原则：文艺为工农兵服务，文艺为实践服务。二零一四年十月十五日**主持召开全国文艺座谈会，伊对文艺作品讲：“是温润心灵，传得开、留得下。”被大家称之“又一个‘延安文艺座谈会’式个里程碑。
五月二十七日是上海个解放日，记得二零零九年个五月初，我拨上海广播电台邀请参加“上海解放六十周年个座谈会，脱主持人葛祥、晓理一道做了趟节目，搿是我人生中第一次走进广播电台。
五月三十日是“五卅惨案”纪念日，上海人晓得是一九二五年个上海工人拉gcd领导下个大罢工，工人领袖顾正红拨外国人枪杀，从而引起了全国个反帝高潮，现在拉辣人民公园里就有迭个纪念雕塑。侪是阿拉上海值得纪念个事体。
从日历上讲，五月六日是立夏个节气，老百姓有吃蛋脱仔小人挂蛋套个习俗。拨我想起仔小辰光勿少有趣个事体。
侬看迭能多个有意义个日脚侪集中拉一个月里向，大家老早就拨伊叫：“红五月”阿是有得物事好写写来。搿么我就拨五月份里影响深个写起：
五月个号角
当扯下四月份个最后一张日历，就走进了红色个五月。综观历史波澜起伏个画卷，红色五月像吹响革命个号角，激发起人们斗志昂扬、勿断走向新个未来。
五月一日国际劳动节，是全世界劳动者个节日，是为纪念1886年5月1日美国芝加哥二十一万六千余名工人，为争取八小时工作制而举行个流血大罢工，并拉辣1889年7月14日第二国际代表大会正式宣布：每年个五一为国际劳动节。1890年5月1日欧美各国个工人阶率先走向街头举行盛大个示威游行脱集会，就此拉开了全世界劳动者争做主人个序幕。
阿拉国家个人民早拉1918年就参与了“五一活动”，当时有眼知识分子拉上海、苏州、杭州、汉口各地散发有关介绍“五一”个传单，而第一次正式举行声势浩大个示威游行脱集会是拉1920年5月1日。新中国刚成立，党脱政府就宣布：“每年五月一日放假一天，庆祝国际劳动节”。1961年5月1日伟大领袖毛主席亲自来到上海电机厂脱全市个工人代表欢度节日。我曾经采访过全国劳模、电机厂革新能手朱恒师傅，听伊讲述起当日大会浪脱毛主席“搀手”（握手）以及拉发言当中三次向主席鞠躬、主席也多次起身还礼个动人情景。朱师傅一腔激情让我至今难忘。
五月四日青年节，是近代青年反帝、反封建个代表日。一九一九年五月四日下午，有北大发起轰轰烈烈个一场反帝爱国群众运动一时轰动了全国,100多个大、中城市侪卷进了迭场爱国个洪流中，最终迫使北洋政府没出席拉“巴黎个和约签”字仪式浪。伊是中国历史上第一个彻底不妥协个反帝、反封建个伟大斗争。“五四运动”是具有初步共产主义思想个知识分子由此深入工人群众，促进马列主义脱中国革命个相结合，为中国gcd建立，作了思想、组织浪个准备。“五四运动”也是中国新民主主义革命个伟大起点。今天，阿拉继承、发扬五四精神，要从根本上学习。时代背景脱政治背景勿同了，阿拉个思路脱行动准则也要与时俱进，爱国热情要体现拉刻苦钻研、做好本职工作浪向，早日实现**总书记提出“民族复兴迭个伟大个梦”。
五月二十三日,是纪念毛主席一九四二年《在延安文艺座谈会上个讲话》发表个日脚。中国个文艺，长期来以宣传帝王将相、才子佳人为主，老少有正面宣传劳动大众，更谈不上服务人民。毛主席拉辣这次座谈会个讲话就十分明确：文艺必须为无产阶级服务、面向人民大众。并指出，迭是个根本问题、原则问题。拉辣光辉思想个引领下，一批宣传革命思想，弘扬革命精神个文艺作品纷纷出现拉辣报刊脱仔舞台浪。像歌曲《回娘家》、沪剧《罗汉钱》等等。《讲话》精神到现在仍就拉影响着新、老文艺工作者，大家拉辣来于生活、高于生活个创作热情中，把群众喜闻乐见个节目送到基层、田头、部队脱工厂。阿拉勿少个宣传媒体也正以“正确个导向”去贴近基层、贴近实践，讴歌人间个真、善、美，丰富大家个精神生活。
五月二十五日，是上海解放个纪念日。一九四九年个迭天，拨西方人称为“远东冒险家乐园个不夜城”终于摆脱了半殖民地、半封建个统治，回到了人民个手里。听老辈人讲，迭天老清早，大家拉辣稀稀落落个枪炮声中，开出门看到是满街侪是睏拉抱枪个年轻战士。部队进城勿扰百姓，铁个纪律让广大群众百感交集，嘎好个军队呵！有哪国哪朝个军队能做得到。“依些”（那些）欺蒙群众个谣言拨拉辣眼门前个事实真是勿堪一击。从此，上海开始了翻天覆地个建设，上海已经走向世界。建国以来上海从人力、财力浪共同参与全国个开发脱仔建设，好儿女志向四方，激励着一代又一代个有志青年，奔向边疆、内地，拉辣艰苦个环境中扎根。天山脚下、长城内外到处侪有“阿拉上海人”。拉辣改革开放个今朝，“上海是全国个上海”上海支援全国个热情依旧，开发西部、支援新疆、西藏个干部去了一批又一批，连离、退休个老专家也热情参加到西部去发挥余热个“银龄活动”中。
五月三十日，是“五卅运动”个纪念日，一九二五年五月，从上海日本纱厂工人罢工，二十五日日本资本家枪杀工人顾正红个惨案激起全市人民个愤怒，五月三十日举行全市罢工、罢商脱罢学活动，拉辣中国gcd个领导下得到了全国人民个声援，形成震惊中外个“五卅运动”。“五卅运动”是标志着中国第一次革命高潮个到来，拉辣严酷个斗争面前，大大地提高了中国人民个觉悟，沉重地打击了帝国主义个嚣张气焰。
五月，火红个五月，伊承载着一个又一个值得纪念个日子，让阿拉们去追思、拉开拓未来个道路上拨阿拉提供振奋精神个养料，伊又像一个个激励阿拉们奋进号角，催促阿拉勿断夺取新个胜利。
电机工人脱五一节
“五一”国际劳动节对上海工人阶级，尤其是对电机厂个工人们更是一个值得纪念脱仔回忆个日脚，一九六一年个“五一”节，伟大领袖毛主席神采奕奕个来到了上海电机厂，来到了草棚大礼堂，来到上海工人中间脱大家一道共度节日。让广大工人同志感到无比个欢欣鼓舞。以至十年后，我当厂工人记者个辰光，采访了当时受到毛主席接见并拉辣会上发言个老劳模朱恒师傅时，伊仍然交关激动。伊拿出了当年报道个报纸讲：“我做梦也呒没想到，领导阿拉走向新中国个领袖毛主席竟拉近距离地出现拉辣我面前。我向老人家鞠躬，毛主席也向我鞠躬。我是个穷工人哪能受得起迭能答礼，我又连连三鞠躬，竟忘纪脱哪能发言了，眼泪夺眶而出。主席还脱我握了手，朝我微笑，拨我极大个鼓励。会后，好多同志都围绕我搀手，迭是脱毛主席握过个手啊，手上留有主席拨阿拉工人阶级个温暖。”朱师傅勿忘记主席个亲切关怀，立志为工人阶级争气，拉辣技术革新跟技术革命中勇当先锋，先后搞出了交关个新工艺脱新个工具，被大家捧为“智多星”，多次被评为全国劳模脱人大代表。
就是拉辣迭个芦席搭建个草棚大礼堂里，毛主席脱上海个工人阶级欢庆自己个节日，伊曾经澎湃着几代电机工人个心房，培育了一批批工人作家脱仔工人技术专家。因为伊凝聚着伟大领袖毛主席脱千万普通劳动者个深厚感情，拉心灵里闪光，被赞誉是“金色个礼堂”。以往每年“五一”前夕，全厂职工拉辣迭个礼堂里欢庆，侪要放映这部具有历史意义个记录片，重温迭段令人难忘个历史场面，勿断激励阿拉工人阶级个无比斗志去开拓未来。
就拉辣简陋个大礼堂里，锣鼓喧天个接受了工人同志创造奇迹个喜报、展示了从六千千瓦到三十万千瓦汽轮发电机个战斗历程、见证了出色完成一个又一个个五年计划、也度过了难熬个岁月。拉辣改革开放个征程中，电机工人勿畏艰难、勇于创新，拉辣搿里传播“扁担电机”个精神，去勿断拓展市场，成为电机厂个企业精神。
搿简朴个礼堂归纳了工人阶级原始个淳朴，拉辣广大个电机工人心目中就像是个不朽个精神殿堂。月斗星移草棚礼堂终究成为过往个历史，不！是辉煌个历史，脱电机工人有割勿断个情丝。所以后来电机工人拉辣拆脱草棚礼堂个原址浪向矗立一座毛主席坐拉辣椅子浪个雕塑。老人家像当年慈眉目善个看会场浪每位工人同志个神态，继续勉励着一代又一代个电机新人去继往开来。现在新团员、新党员个入团、入党个宣誓侪来迭里举行；革命传统、厂史教育拉辣“搿达”（这里）进行，老领导肖卡同志拉辣回厂访问中就特意到毛主席个坐像前脱大家一道留影，共同追思火红年代里个革命豪情，老同志拉辣此地找回了青春年华。迭里就是电机工人心中个圣地，毛主席脱工人阶级共庆“五一”个盛况永载史册光耀人间。
我第一次进广播电台
一篇改革开放个广播征文拨选用，从此让我脱广播节目个主持人拉近了距离。此后又有多篇文章拉辣电台陆续个展播，我一直拉想有否机会面见迭几位仰慕已久个主持人。
机会来啦！2009年春季，我意外接到上海广播电台“金色年代”节目主持人晓理老师个电话，邀我到电台参加“上海解放60周年广播伴我行” 个征文作者座谈会。还请我当嘉宾脱伊拉一道做节目。我真是开心么又是担心，开心个是我征文多次被选播，担心个是我从未拉辣大场面发言，何况将对仔话筒向广大听众去谈话？想到往常主持人拉辣节目中放松、镇定个语气，我来讪伐？我端了忐忑不安个心情期待着。
5月初个一天，我来到心目中神圣个广播大厦，拉辣座谈会上终于见到想往已久个主持人葛祥脱晓理两位老师。伊拉谦和个姿态及熟悉又富有磁性个嗓音拨我带来一份亲切脱安定。会后就留下我以及其他几位听众进了播音室脱主持人开始做起节目录音。拉辣谧静个播音室里我非常紧张，晓理老师笑了：“勿要紧张，阿拉就像平时通电话，随便讲。”“搿好随便讲？播出去就进千家万户听见个声音。”我手心侪捏出汗来。老师亲切招呼我坐下：“我问你聊，想啥讲出来。开始吧！”我讲：“晓理老师侬好！”刚说完，隔着玻璃窗拉辣做录音监制个葛祥老师风趣地讲：“拨我漏了？。”“哦，我忘纪了。”搿播出去岂不把节目个搭档拆开了。重来！我连忙凑近话筒：“葛祥老师、晓理老师……,”话音未落葛祥老师又提醒：“与话筒保持距离，再来一遍。”我真为伊拉严谨个工作态度叫好，也为自己个无知脱冒失而愧疚。就拉辣老师们个循循善诱下我放松心情对答如流，勿禁滔滔不绝，而晓理老师勿失时机地缓缓插上结束语。“ok!” 葛祥老师正向我招手微笑。我余兴未尽，呒没想到拉辣年近花甲辰光还赶时髦个上了一趟电台，我能勿激动？
立夏吃蛋、称人，侬晓得哇？
又听到知了叫，转眼到“立夏”了，大家晓得立夏搿天要吃蛋，吃仔中饭后还有去称人个习俗，就是人去称重量。要问有啥典故，恐怕一时还讲不上吧，想想我小辰光个情景来讲，还蛮有趣个。
我小辰光，住拉辣老城厢里，一到立夏个迭天，邻居隔壁个小朋友侪会拿出红红绿绿个纱线来做蛋套。做好仔拿个大鸭蛋套进去，挂拉辣胸前晃荡、晃荡勿要讲有多少开心咯。
迭蛋套侬会做伐？老便当个，我现拉辣就教侬：拿根2毫米粗个线套拉辣头颈里，两头挂到胸口前合适个地方并起来打个结，再扯几根粗丝线，对折起来有三个半蛋长个即可，统统挂拉辣头颈里个粗线浪，开始脱相邻个线互相打结成环形，接头个高低可用合适网眼大小个东西作标准工具，像小个木尺啥个。一圈圈结下去，当结到可放得下一只蛋个尺寸时，把所有个线头集拢起打个大结，留下个一把线头刚好成了漂亮个彩须。到辰光小朋友道里聚拉辣一道就欢喜比啥人个蛋大。
称人，从前要看啥人个分量重，“吃价”（音ga，吃香），而拉辣现在倒要看是否超过标准？要么看减肥效果哪能了？听老人讲，从前乡下头称人是双手吊拉辣称勾上双脚离地来称分量，小人就坐拉辣箩筐里像称小猪猡一样好笑死了。乃么拉阿拉复兴东路浪只要侬到有大磅称个米店、煤球店或者小菜场里去侪好称。以前我“窝里”（屋里）就住拉辣煤球店个楼浪，每年立夏日脚就看到邻居们纷纷来称体重，正好我奶奶是营业员，迭天除了做生意之外就是称人，虽然蛮忙个，但气氛相当热闹。
住拉辣对面翁家弄里有个松江人叫庄家伯伯，面红堂堂身体发福了，也来称体重。足足有190多斤重啊，身材“扎足”（魁梧）来让人看了“眼痒”（羡慕），讲难听是臃肿。勿过当面还是讲他有“福相”。他倒讲：“倷看我福嗒嗒，我走路吃力啊。”哎！就拉辣迭年初冬个一天早浪头，伊被救护车送到医院里。听邻居讲，大块头中风了。当时大家还弄勿懂，好好较一个人，哪能会瘫痪呢？现在想想，以前大家缺乏保健知识，只晓得补营养，觉着胖点总比瘦好，勿晓得太胖了就会潜伏病根。
现在我晓得立夏吃蛋、称人搿些习俗还是从古代三国辰光传下来个，老百姓为了图个“盼头”。 吃蛋现在是勿稀奇，称人就怕胖、出丑，是否颠倒过来了？勿过当作民族习俗个文化相传下来意义倒勿小。
